سوشل میڈیا

ملک بھر میں آئندہ چوبیس گھنٹوں کے دوران بارشیں محکمہ موسمیات نے شہروں کے نام جاری کر دیئے

رحیم یارخان ملک بھر میں آئندہ 24 گھنٹوں کے دوران مزید بارشوں کا امکان ہے جبکہ چند علاقوں میں بدستور موسم گرم اور مرطوب رہے گا۔محکمہ موسمیات کی جانب سے جاری کی گئی موسم کی تازہ ترین صورتحال کے مطابق ہزارہ، راولپنڈی، گوجرانوالہ، سرگودھا، فیصل آباد، لاہور ڈویڑن، اسلام آباد اور کشمیر میں کہیں کہیں بارش کا امکان ہے۔


جبکہ مالاکنڈ، پشاور، کوہاٹ، مردان، بنوں، ڈی آئی خان، ڑوب، قلات، ڈی جی خان، ملتان اور ساہیوال ڈویڑن میں چند مقامات پر تیز ہوائوں/آندھی اور گرج چمک کے ساتھ موسلا دھار بارش کی پیش گوئی کی گئی ہے۔ محکمہ موسمیات نے رواںہفتے کے دوران ملک کے بالائی اور وسطی علاقوں میں تیزہوائوں/آندھی کے ساتھ مزید مون سون بارشوں کی پیشگوئی کی ہے۔گزشتہ 24 گھنٹوں کے دوران لاہور، قلات بہاولپور، ہزارہ ، کوہاٹ ڈویڑن اور کشمیر میں چند مقامات پر تیز ہوائوں/آندھی اور گرج چمک کے ساتھ بارش ہوئی جبکہ ملک کے دیگر علاقوں میں بدستور موسم گرم اور مرطوب رہا۔سب سے زیادہ بارش خضدار 37، قصور 32، لاہور (ائیرپورٹ 05 ، سٹی 02)، بہاولنگر 03، مظفرآباد 05،  ملی میٹر بارش ریکارڈ کی گئی.

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button