fbpx

پرائیویٹ سکولز میں ماہانہ فیسوں میں20فیصد تک کمی کے احکامات پر عملدرآمد کرانے کے لئے کمیٹی تشکیل دے دی گئی

پرائیویٹ سکولز میں ماہانہ فیسوں میں20فیصد تک کمی کے احکامات پر عملدرآمد کرانے کے لئے کمیٹی تشکیل دے دی گئی

سپریم کورٹ آف پاکستان کی جانب سے پرائیویٹ سکولز میں زیر تعلیم طلباء وطالبات کی ماہانہ فیسوں میں20فیصد تک کمی کے احکامات پر عملدرآمد کرانے کے لئے ڈپٹی کمشنر جمیل احمد جمیل نے ایڈیشنل ڈپٹی کمشنر(جنرل)شیخ محمد طاہر کی سربراہی میں کمیٹی تشکیل دے دی جو پرائیویٹ سکولز میں زیر تعلیم طلباء کی ماہانہ فیسوں میں20فیصد کمی کو یقینی بنائے گی اس کے لئے ڈپٹی کمشنر آفس میں شکایات سیل قائم کر دیا گیا ہے جس کی نگرانی ایڈیشنل ڈپٹی کمشنر(جنرل)کریں گے۔سپریم کورٹ آف پاکستان کے احکامات کے مطابق تمام پرائیویٹ سکولز کی انتظامیہ والدین کو گرمیوں کی چھٹیوں میں وصول کی جانے والے فیسیں بھی واپس کرنے کی پابند ہے جبکہ والدین بھی آئندہ ماہانہ فیسیں بمطابق عدالت عظمی پاکستان پرائیویٹ سکولز میں جمع کرائیں گے جبکہ کسی بھی شکایت کی صورت میں ضلعی انتظامیہ/ڈپٹی کمشنر آفس میں ایڈیشنل ڈپٹی کمشنر(جنرل) شیخ محمد طاہر سے 068-9230287پر ٹیلی فونک یا ان کے دفتر میں براہ راست مل کر آگاہ کر سکتے ہیں۔دریں اثناء سی ای او ایجوکیشن اتھارٹی نے پرائیویٹ سکول مالکان کے اجلاس میں سپریم کورٹ آف پاکستان کے احکامات کی روشنی میں ڈپٹی کمشنر جمیل احمد جمیل کی جانب سے ملنے والی ہدایات بارے آگاہ کرتے ہوئے بتایا کہ تمام پرائیویٹ سکول کے مالکان جو طلباء سے5ہزار سے زائد فیس وصول کر رہے ہیں وہ فوری طور پر اپنی فیسوں میں20فیصد تک کمی کریں جبکہ گرمیوں کی چھٹیوں میں والدین سے وصول کی جانے والے فیسیں بھی واپس کی جائیں اور تمام نجی سکول انتظامیہ اپنے سکولز میں ہوم ڈیپارٹمنٹ کی جانب سے فراہم کر دہ سیکورٹی ہدایات پر سو فیصد عملدرآمد کریں اورتمام نجی سکولز مالکان ہر ماہ کی10تاریخ تک اپنے سکول کے اساتذہ و جملہ سٹاف کو تنخواہیں دینے کے پابند ہیں اور تنخواہوں کی ادائیگی کا تحریری سرٹیفکیٹ بھی سی ای او ایجوکیشن آفس میں جمع کرایا جائے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Translate »
Close
Close