رحیم یارخان میں جعلی ادویات کی فروخت اور بغیر لائسنس میڈیکل اسٹورز مالکان کیخلاف کارروائیاں
رحیم یارخان: محکمہ ہیلتھ صادق آباد کے ڈپٹی ڈی ایچ او ابرار احمد چیمہ کی تحصیل بھر میں جعلی ادویات کی فروخت اور بغیر لائسنس میڈیکل اسٹورز مالکان کیخلاف بلا امتیاز اور میرٹ پر کارروائیاں ڈپٹی ڈسٹرکٹ ہیلتھ آفیسر رحیم یارخان اسامیہ منیر پنسوتہ کو پسند نہ آئی اور صادق آباد کے بغیر لائسنس میڈیکل اسٹور چلانے والے مالکان نے ڈی ڈی ایچ او رحیم یارخان نے ملی بھگت کرکے ڈپٹی ڈی ایچ او ابرار احمد چیمہ کی جانب سے سیل کی گئی دکان کا ری اوپنگ لیٹر جاری کروالیا۔
صادق آباد کی سول سوسائٹی اور سماجی حلقوں کا کہنا ہے کہ ڈپٹی ڈی ایچ او ابرار احمد چیمہ تحصیل میں جعلی ادویہ اور بغیر لائسنس میڈیکل سٹور چلانے والوں کیخلاف بلاامتیاز کارروائیاں کررہے ہیں جن کی بدولت آج ہمیں معیاری اور سستی ادویات میسر ہیں جس کی وجہ ڈپٹی ڈی ایچ اوصادق آباد ہیں جن کے خوف سے یہ جعلساز اپنا قبلہ درست کئے ہوئے ہیں
جبکہ دوسری طرف ڈی ڈی ایچ او رحیم یارخان ان دونمبر دوائیں اور بغیر لائسنس میڈیکل اسٹور چلانے والوں کا ساتھ دے رہے ہیں جو کے محکمہ ہیلتھ کیلئے سوالیہ نشان ہے سی ای او ہیلتھ رحیم یارخان کو چاہئے کہ ایسے ایماندار ڈپٹی ڈی ایچ او صادق آباد کی پشت پناہی کرنی چاہئے تاکہ عوام کو ادویات کے نام پر کھلا زہر دینے والوں کیخلاف سخت سے سخت کارروائی عمل میں لائی جاتی رہے۔
عوامی سماجی حلقوں نے کمشنر بہاولپور اور ڈپٹی کمشنر رحیم یارخان سے اس معاملے پر فوری نوٹس لیتے ہوئے ازخود کارروائی کامطالبہ کیا تاکہ محکمے میں موجود ایسے افراد کا قلع قمع کیا جائے جو ہیلتھ کے نام پر انسانی جانوں سے کھیل رہے ہیں۔
