خانپور:جانوروں کے امراض کے خلاف ویکسی نیشن کا عمل شروع

خانپور :جانوروں کے امراض کے خلاف ضلع رحیم یار خان، تحصیل خانپور میں ویکسین مہم جاری، ویکسی نیشن کا عمل ایڈیشنل چیف سیکرٹری ساؤتھ پنجاب اور سیکرٹری لائیو سٹاک ساؤتھ پنجاب کی ہدایت پر ضلع رحیم یار خان کی تحصیل خانپور میں جاری و ساری، کسان حضرات کا اعلیٰ حکام کو خراج تحسین، آفیسران کی اس کاوش کو بھرپور سراہا۔

ملک کے دوسرے حصوں کی طرح ضلع رحیم یار خان کی تحصیل خانپور میں بھی ایڈیشنل چیف سیکرٹری ساؤتھ پنجاب کیپٹن ریٹائرڈ ثاقب ظفر اور سیکرٹری لائیو سٹاک ساؤتھ پنجاب آفتاب احمد پیر زادہ کی ہدایت پر جانوروں اور پرندوں کو وبائی امراض سے محفوظ رکھنے کے لیے ویکسین کا عمل جاری ہے ،

ڈپٹی ڈائریکٹر لائیوسٹاک خانپور عبد الرشید اظہر شانی نے میڈیا سے گفتگو کرتے ہوئے کہا کہ ہماری ٹیمیں کسان بھائیوں کے گھر گھر جا کر جانوروں اور پرندوں میں وبائی امراض سے بچاؤ کی ویکسی نیشن کر رہی ہے اور مویشی پال کسان حضرات کے قیمتی جانوروں کو ناصرف ویکسی نیشن کروا رہے ہیں

بلکہ انہیں مفید مشورے اور مکمل آگاہی بھی فراہم کی جا رہی ہے تا کہ وہ اپنے جانوروں کو وبائی امراض سے محفوظ رکھ سکیں۔

انہوں نے کہا کہ کسان حضرات کو چاہیے کہ محکمہ لائیو سٹاک کی ٹیموں سے تعاون کریں اور اپنے قیمتی جانوروں کو ویکسین لگوائیں تا کہ آنے والے موسمی امراض سے قیمتی جانور محفوظ رہ سکیں مزیدکہا کہ اگر کوئی جانور ویکسی نیشن سے رہ جاتا ہے تو کسانوں کو چاہیے کہ اپنے متعلقہ ہسپتال کی لائیو سٹاک ٹیموں سے رابطہ کر کے ویکسین کرا سکتے ہیں۔

جس پر کسانوں میں خوشی کی لہر پائی جا رہی ہے کسانوں نے مویشی پال ویکسی نیشن کے اس عمل کواور محکمہ لائیو سٹاک کی ٹیموں اور اعلیٰ حکام کے اس اقدام اور کاوشوں کو بھرپور سراہااور خراج تحسین پیش کیا۔