شہید پولیس اہلکار کی نماز جنازہ ادا کر دی گئی
اوباڑو کے قریب ماچھکہ کے علاقے میں گھات لگائے ڈاکوؤں نے پولیس چوکی پر جانے والے اہلکار کو فائرنگ کرکے شہید کردیا ڈاکو مقابلہ کے بعد فرار ہوگئے ہیں
تحصیل اوباڑو کے تھانہ کھمبڑا کے چار اہلکار معمول کے مطابق موٹروے پولیس چوکی 15 پر جارہے تھے رحیم یار خان کے تھانہ ماچھکہ کی حدود میں لوٹ مار کی غرض سے گھات لگائے ہوئے ڈاکوؤں نے رات کی تاریکی میں موٹر سائیکل سوار اہلکاروں کو روکنے کی کوشش کی ڈاکوؤں نے پولیس کو دیکھ کر فائر کردیا جس سے ایک اہلکار امانت علی شدید زخمی ہوگیا جو زخموں کی تاب نہ لاکر شیخ زاید اسپتال میں شہید ہوگیا جبکہ مقابلہ کے بعد ڈاکو فرار ہوگئے
رحیم یار خان کی حدود میں اسی مقام پر تین روز قبل موٹر سائیکل چھین لیا تھا مگر پولیس نے تعاقب نہیں کیا جس سے ڈاکوؤں کو حوصلہ بڑھا اور آج بھی واردات کرنے آئے تھے رحیم یار خان پولیس متحرک ہوتی تو ملزمان کو یہ جرات نہ ہوتی جبکہ دیگر تین اہلکار محفوظ رہے ڈاکو دریائی علاقے میں فرار ہوگئے ہیں جبکہ دوسری جانب شہید ہونے والے پولیس اہلکار امانت علی دھاریجو کی نمازے جنازہ اس کے آبائی گاؤں کموں شہید میں ادا کی گئی
نمازے جنازہ میں ایس ایس پی گھوٹکی عمر طفیل رینجرز کے ونگ سمیت پولیس اور رینجرز کے جوانوں سمیت سیاسی و سماجی لوگوں نے شرکت کی شہید اہلکار امانت علی دھاریجو کو سرکاری اعزاز کے ساتھ سپرد خاک کردیا گیا اس موقع پر ایس ایس پی گھوٹکی عمر طفیل نے کہا کہ ڈاکوؤں کے خلاف سرچ آپریشن کیا جارہا ہے پولیس اہلکار کے کا خون رہیگا نہیں جانے دیں گے بہے جلد ڈاکوؤں کو گرفتار کرلیا جائے گا
