fbpx

پولیس پبلک سکول میں رنگا رنگ سپورٹس گالا کا انعقاد

رحیم یارخان پرنسپل پولیس پبلک سکول شازیہ ظفر نے کہا ہے کہ سپورٹس گالا کا کامیاب انعقاد ادارے اور سٹاف کی صلاحیتوں کا منہ بولتا ثبوت ہے۔

طلبہ و طالبات نے نصابی سرگرمیوں کے ساتھ ساتھ غیر نصابی سرگرمیوں میں بھی اپنی صلاحیتوں کا بھر پور اظہار کیا۔

ان خیالات کا اظہار انہوں نے پولیس پبلک سکول دی ایجوکیٹر میں سالانہ سپورٹس گالا ویک کے کامیاب انعقاد کے اختتام پر پوزیشن ہولڈرز میں میڈلز اور ٹرافیوں کی تقسیم کے موقع پر گفتگو کرتے ہوئے کیا۔

انہوں نے کہا کہ پولیس پبلک سکول میں جہاں پر تعلیم اور نصابی سرگرمیوں میں طلبہ و طالبات کی صلاحیتوں کو نکھارا جاتا ہے وہاں پر ادارہ ان کی غیر نصابی سرگرمیوں پر بھی توجہ مرکوز رکھتا ہے گزشتہ ایک ہفتہ کے دوران کھیل کے میدان میں اعلی کارگزاری کا مظاہرہ کر کے پولیس پبلک سکول کے طلبہ نے ثابت کیا ہے کہ وہ ملک کا مستقبل ہیں اور ادارہ ان کی بہترین تربیت کر رہا ہے انہوں نے اس موقع پر پولیس سکول کے سٹاف کو کامیاب سپورٹس گالا کے انعقاد پر شاندار الفاظ میں خراج تحسین پیش کیا اور کہا کہ مستقبل قریب میں سالانہ امتحانات میں بھی انہیں قوی امید ہے کہ اس سے بڑھ کر دلچسپی کا مظاہرہ کیا جائے اور سٹاف اور طلبہ ادارہ اور اپنا نام تاریخ میں بلند مقام پر درج کروانے میں کامیاب رہیں گے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Translate »
Close
Close