fbpx

ریسکیو کو ریڈزپاکستان کی طرف سے سیفٹی آلات فراہمی

رحیم یارخان : ریسکیو1122کے کمیونٹی ٹریننگ ونگ کی استعداد کار میں اضافہ کے لیے ڈائریکٹر ریڈزپاکستان شاہدسلیم کی طرف سے سیفٹی آلات فراہم کیے گئے۔ڈسٹرکٹ ایمرجنسی آفیسرڈاکٹر عبدالستار بابر

ڈسٹرکٹ ایمرجنسی آفیسرڈاکٹر عبد الستار بابر،ایمرجنسی آفیسرڈاکٹرعادل رحمان اور ڈائریکٹرشاہد سلیم کے درمیان ضلع رحیم یارخان کی عوام کو کیڈرے کورسز کے ذریعے مختلف سانحات سے پیشگی بچاﺅکے لیے تربیت فراہم کرنے کے لیے منصوبہ بندی مرتب کی گئی۔

جس میں مختلف مراحل میں یونین کونسل کی سطح پر ہر محلہ میں بنائی گئی رضاکار ٹیموں کو مزید کارآمد بنانے کے لیے جدید کیڈرے کورسز کروائے جائیں گے۔ان کورسز میں آگ لگنے کی صورت میں روزمرہ استعمال ہونے والی گھریلو اشیاءسے آگ بجھانے کی تیکنیک جس میں خصوصی طورپر پانی والی بالٹیوں سے آگ بجھانے،آگ بجھانے والے مختلف اقسام کے سیلنڈرز کا استعمال،ٹیم ورک ، مشترکہ آپریشن،فلڈ آنے کی صورت میں کم گہرے پانی میں ڈوبنے والے افراد کو ٹیم کی شکل میں بانسوں یا ڈنڈوں کی مدد سے مجوزہ جدیدتیکنیک سے تلاش کرنے،ریسکیوکرنے کے بعد حفاظتی طریق کار سے محفوظ جگہوں پر منتقلی،زلزلہ آنے اور عمارات کے گرنے کی صورت میں دبے افراد کو سرچ کرکے ریسکیوکرنے کی مختلف تیکنیک سکھائی جائیں گی۔ریسکیو1122اورریڈز پاکستان مل کرمشترکہ طورپرپہلے سے تشکیل شدہ ریسکیومحافظوں اور کمیونٹی ایمرجنسی ریسپانس ٹیموں کومرحلہ وار تربیت فراہم کریں گے،اسی طرح نئی ٹیموں کی تشکیل کے لیے بھی لائحہ عمل ترتیب دیا جارہا ہے جس کو جلد حتمی شکل دے دی جائے گی۔

گذشتہ روز ریڈز پاکستان کے ڈائریکٹرشاہد سلیم اور دیگر عہدہ داران نے ایمرجنسی آفیسرڈاکٹرعادل رحمان اور ایس آئی اظہرابرارکو کمیونٹی سیفٹی ٹریننگ ونگ کی استعداد کار میں اضافہ کے لیے مرتب شدہ پلان کے پہلے مرحلہ میں کیڈرے کورسز میں استعمال ہونے والے سیفٹی آلات سپرد کئے جوکہ رضاکاروں کوفراہم کیے جانے والے کیڈرے تربیتی کورسز میں استعمال ہونگے۔سیفٹی آلات میں پلاسٹک بکٹ،لکڑی کے کربز،فرسٹ ایڈ کٹس،نائیلون رسے،مختلف قسم کے گلوز،کمبل،فیس ماسک،سیٹیاں،سپرے پینٹس،ہدایتی ٹیپ،چھوٹے ہتھوڑے،ٹریاج ربن،برساتی سوٹ،ربڑ شوز،پلاسٹک گیلن،لائف جیکٹس،کلپ بورڈاورٹی شرٹس وغیرہ شامل ہیں۔

اس موقع پر دونوں اداروں کے ضلعی سربراہان نے معاشرے کی سیفٹی کے لیے کیے جانے والے ان اقدامات کو مزید تقویت دینے کے لیے مشترکہ کاوشوں کو جاری رکھنے کا اعادہ کیااور ایک دوسرے کا شکریہ ادا کیا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Translate »