کوہ سلیمان میں روکوہیوں کے پانی کو دخیرہ کرنے کیلئے 4 سمال ڈیمز کی منظوری

Story Highlights
  • وزیراعلیٰ عثمان بزدار نے کوہ سلیمان میں روکوہیوں کے پانی کو دخیرہ کرنے کیلئے 4 سمال ڈیمز پر کام شروع کرنے کی منظوری دیدی
  • چھوٹے ڈیم بناناوقت کی ضرورت ہے،پسماندہ علاقوں کے لوگوں کو پینے کا صاف پانی میسر آئے گا:عثمان بزدار

رحیم یارخان (ڈیسک )وزیراعلیٰ پنجاب سردار عثمان بزدار کی زیر صدارت وزیراعلیٰ آفس میں اعلیٰ سطح کا اجلاس منعقد ہوا جس میں کوہ سلیمان کی رودکوہیوں کے پانی کو ضائع ہونے سے بچانے کیلئے چھوٹے ڈیمز بنانے کے حوالے سے امور کا جائزہ لیا گیا۔

وزیراعلیٰ عثمان بزدار نے علاقے میں 4 سمال ڈیمز پر ابتدائی کام شروع کرنے کی اصولی منظوری دیتے ہوئے کہا کہ پانی کے ذخیرے کیلئے چھوٹے ڈیم بناناوقت کی ضرورت ہے اور پنجاب حکومت چھوٹے ڈیمز کے لئے مختلف آپشن پر غور کررہی ہے۔ انہوں نے کہا کہ کوہ سلیمان کی رودکوہیوں میں ہر سال لاکھوں کیوسک پانی ضائع ہوتاہے اور اس قیمتی پانی کو محفوظ بنانے اوراستعمال لانے کیلئے سمال ڈیمز کا منصوبہ اہمیت کا حامل ہے۔

چھوٹے ڈیموں کی تعمیر سے پسماندہ علاقوں کے لوگوں کو پینے کا صاف پانی میسر آئے گا۔ انہوں نے کہا کہ پہلے مرحلے میں چار سمال ڈیمز کی تعمیر کیلئے ٹیکنیکل سٹڈی کی جاری ہے۔

سیکرٹری آبپاشی نے وزیراعلیٰ عثمان بزدار کو سمال ڈیمز کی تعمیر کے منصوبے کے اہم امور سے آگاہ کیا۔ صوبائی وزیر حافظ ممتاز احمد،چیف سیکرٹری،چیئرمین منصوبہ وترقیات،سیکرٹری خزانہ،سیکرٹری آبپاشی،سپیشل مانیٹرنگ یونٹ کے سربراہ اور متعلقہ حکام نے اجلاس میں شرکت کی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Translate »
Close
Close