احساس سروے کے بارے میں جانیے

نئےصارفین کو احساس کفالت،نشوونما، وسیلۂ تعلیم ڈیجیٹل اور احساس کےدیگر پروگراموں میں شامل کرنے کیلیئےاحساس ملک گیر سروے ملک میں مرحلہ وار جاری ہےاور جون 2021 تک مکمل ہوگا۔ مجموعی طور پر احساس سروے اس وقت 92 فیصد مکمل ہوچکا ہے۔ احساس قومی سماجی و معاشی رجسٹری سروے پاکستان کا پہلا کمپیوٹرائزڈ سروے ہے جو ملک بھر میں مختلف مراحل میں ہے۔ اب تک اضلاع میں سروے مکمل ہوچکا ہے اور اضلاع میں فی الحال جاری ہے۔ اس مکمل طور پرغیر سیاسی سروے کو شفاف اور غلطیوں سے پاک رکھنے کیلیئے اول تا آخر ڈیجیٹل نظام قائم کیا گیا ہے۔ احساس سروےکے ذریعے ملک میں غریب و ضرورت مند گھرانوں کی نشاندہی کی جا رہی ہے۔ احساس سروے کا مقصد ملک کے غریب خاندانوں کے کوائف جمع کرنا ہے تاکہ حکومت پاکستان فلاحی منصوبے بہتر طور پر تشکیل دے اور حکومت کے وظیفے حقیقی مستحقین تک پہنچ سکیں۔
کمپیوٹرائزڈ سروے کے لیئے بہت سی موبائل ایپلی کیشنوں  کا استعمال کیا جا رہاہے جو کہ سروے ٹیم کے ارکان کی اینڈرائڈ ٹیبلٹس پر سروے کے مقاصد کے لیئے نصب کی گئی ہیں۔
سروے کی تیاری کیلیئے تکنیکی ٹیموں کو مختلف نوعیت کی ٹریننگ کروائی جاتی ہے جن میں ماسٹر ٹرینرز، ٹرینرز، اینیومیریٹرز اور سپروائزروں کی ٹریننگ کو مرکزی حیثیت حاصل ہے۔ احساس سروے کیلیئے گھر گھرجا کر کوائف جمع کرنے والی ٹیمیں کاغذ پر نہیں بلکہ اینڈرائڈ ٹیبلٹس پر گھرانوں کے اعداد وشمار جمع کر رہی ہیں۔جب سروے ٹیم آپ کےگھر آئے تو مستحق خاندان خود کو رجسٹر کروائیں۔
سروے میں شامل ہونے کے لئے احساس سروے ٹیمیں گھرانوں سے کسی بھی قسم کی فیس یا رقم طلب کرنے کی مجاز نہیں ہے۔ سروے مکمل ہونے پر رہ جانے والے گھرانوں کو احساس سروے میں شامل کرنے کے لیئے تحصیل کی سطح پر احساس رجسٹریشن ڈیسک ملک بھر میں مرحلہ وار کھولے جا رہے ہیں۔

احساس رجسٹریشن ڈیسک