بھتہ نہ دینے پر شیخ زید ہسپتال کی لیڈی ڈاکٹر کو ملزم کی موبائل فون پر قتل کی دھمکیاں
رحیم یارخان : بھتہ نہ دینے پر شیخ زید ہسپتال کی لیڈی ڈاکٹر کو ملزم کی موبائل فون پر قتل کی دھمکیاں‘ پولیس نے مقدمہ درج کردیا۔
تفصیل کے مطابق فضیلت ٹاون کی رہائشی لیڈی ڈاکٹر سارہ شبیر کی جانب سے پولیس کو دی جانے والی تحریری درخواست میں موقف اختیار کیا گیا کہ ملزم حسن اعوان نے فون پر کال کرکے ایک لاکھ روپے طلب کیا اور نہ دینے کی صورت میں اسے جان سے ماردینے کی دھمکی دی جس پر تھانہ سٹی اے ڈویژن پولیس نے 25 ڈی ٹیلی گراف ایکٹ کے تحت لیڈی ڈاکٹر سارہ شبیر کی رپورٹ پر مقدمہ درج کر لیا‘
تاہم حسن اعوان نامی ملزم بااثر ہونے کی وجہ سے پولیس ملزم کو گرفتار کرنے میں ناکام ہے۔ دوسری جانب ملزم حسن اعوان کی لیڈی ڈاکٹر سارہ شبیر کو کئے گئے واٹس ایپ میسج کا سکرین شارٹ سوشل میڈیا پر وائرل ہوا جس میں ملزم نے ڈائریکٹر ایمرجنسی شیخ زید ہسپتال ڈاکٹر فرحانہ خالد کے کہنے پر لیڈی ڈاکٹر سے 7 لاکھ روپے مانگے ہیں اور نا دینے کی صورت میں سنگین نتائج کی دھمکیاں دی گئی ہیں۔