صادق آباد میں مسلح افراد نے شوہر کی عدم موجودگی میں گھر گھس کر بیوی کو اغواء کر لیا

رحیم یارخان : صادق آباد:7مسلح افراد نے شوہر کی عدم موجودگی میں گھر گھس کر بیوی کو اغواء کر لیا‘ ملزمان دو تولے طلائی زیورات ‘ 70ہزار نقدی و دیگر سامان بھی لے گئے ، تحریری درخواست دینے کے باوجود پولیس تھانہ سٹی کارروائی سے گریزاں ۔

بستی فتہ کٹہ کے رہائشی محمدمشتاق ولد غلام فرید قوم کٹہ نے تھانہ سٹی پولیس کو دی گئی تحریری درخواست میں الزام عائد کیا کہ وہ محنت مزدوری کرتا ہے ۔

وقوعہ کے روز وہ کام کے سلسلہ میں گھر سے باہر گیا ہوا تھا کہ اسی دوران میری بیوی کے رشتہ دار ملزمان شجاعت علی، حبیب ، عبدالکریم ، شمیم بی بی سکنائے چوک پٹھانستان رحیم یارخان اپنے دیگر تین ساتھیوں کے ہمراہ چادر اور چار دیواری کا تقدس پامال کرتے ہوئے میرے گھر داخل ہو گئے،

گھر میں موجود میری بوڑھی والدہ پر تشدد کیا اور میری بیوی شازمان بی بی کو اپنے ساتھ اغواء کر کے لے گئے ، ملزمان جاتے ہوئے گھر سے دو تولے طلائی زیورات ، ستر ہزار روپے نقدی ، کپڑے و دیگر سامان بھی لے گئے ہیں، جب میں واپس گھر آیا تو اہل علاقہ نے وقوعہ بارے مجھے آگاہ کیا،

محمد مشتاق نے صحافیوں سے گفتگو کرتے ہوئے بتایا کہ اس نے چند دن قبل شازمان بی بی کیساتھ ڈسٹرکٹ کورٹ رحیم یارخان میںشادی و نکاح کیا تھا جس کا مذکورہ ملزمان کو رنج تھا ،

ملزمان کی طرف سے آئے روز مجھے قتل سمیت سنگین نتائج کی دھمکیاں بھی مل رہی تھیں ، انھوںنے بتایاکہ پولیس تھانہ سٹی ملزمان کیخلاف کارروائی سے گریزاں ہے ،

وزیراعلی پنجاب ‘آئی جی پنجاب، آر پی اوبہاول پور اور ڈی پی اورحیم یارخان سے اپیل ہے کہ میری بیوی کو بازیاب کروا کر ملزمان کیخلاف کارروائی کی جائے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Translate »