رحیم یارخان ڈی سی کا ڈسٹرکٹ پلاننگ اینڈ ڈیزائن کمیٹی کے اجلاس میں بڑا فیصلہ

District Planning and Design Committee

رحیم یارخان:ڈپٹی کمشنرعلی شہزاد نے ڈسٹرکٹ پلاننگ اینڈ ڈیزائن کمیٹی کے اجلاس کی صدارت کرتے ہوئے کہا موجودہ حکومت کاروباری سرگرمیوں کے فروغ کےلئے عملی اقدامات کرر ہی ہے اور وزیر اعظم پاکستان کا ویژن ہے کہ بزنس کمیونٹی کو زیادہ سے زیادہ سہولیات بغیر کسی تعطل کے فراہم کی جائیں۔

اجلاس میں ایڈیشنل ڈپٹی کمشنر(جنرل)شیخ محمد طاہر،اسسٹنٹ کمشنر فیض فرید، ایم او پلاننگ قسور عباس سمیت محکمہ ہائی ویز، ریسکیو1122، ٹریفک پولیس ودیگر متعلقہ محکموں کے افسران موجو دتھے۔

ڈپٹی کمشنر نے نقشہ و ڈیزائن، رقبہ اور تعمیرات کی نوعیت کا جائزہ لیتے ہوئے ہدایت کہ کہ تمام متعلقہ محکموں کے افسران ڈسٹرکٹ پلاننگ اینڈ ڈیزائن کمیٹی میں منظوری کےلئے آنے والے نقشہ جات کا موقع پر جاکر معائنہ کریں اور اس امر کو یقینی بنائیں کہ منظوری کےلئے پیش کئے جانے والے نقشہ کے رقبہ اور موقع پر تعمیرات کی جانے والی جگہ آپس میں مطابقت رکھتی ہوں۔

انہوں نے واضح ہدایات کی کہ بلڈنگ انسپکٹرز نقشہ جات کی باریک بینی سے جانچ پڑتا ل کریں جبکہ قواعد و ضوابط پر پورا اترنے والے نقشہ جات مالکان کو تاخیر کا سامنا نہ کرنا پڑے۔انہوں نے ہدایت کی کہ تعمیراتی پلان اور نقشہ کی منظوری کے بغیر تعمیرا ت نہیں ہونی چاہیے ایسی صورت میں متعلقہ مالکان کے خلاف قانونی کارروائی عمل میں لائی جائے اور جرمانے کئے جائیں۔

اجلاس میں 7پیٹرول پمس کے نقشہ جات منظوری کے لئے پیش کئے گئے جس میں سے 3کو مشروط طور پر منظور جبکہ دیگر 4کو نامکمل کوائف پر موخر کر دیا گیا۔

ڈپٹی کمشنر نے تمام تحصیلوں کے ایم او پلاننگ کو ہدایت کی کہ وہ سابقہ سالوں کے زیر التواءنقشہ جات کی تحصیل سطح پر فہرست مرتب کریں اور مالکان کو حتمی نوٹس جاری کریں عد م پیروی پر زیر التواءمنظوری کے کیسز منسوخ کر دیئے جائیں گے۔

District Planning and Design Committee

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Translate »
Close
Close