fbpx

تبدیلی کے نام پر عوام کو بیوقوف بنانے والوں نے ملک کو بد حالی کی طرف دھکیل دیا ہے، عامر شہباز

پاکستان پیپلزپارٹی کے رہنما و ٹکٹ ہولڈر حلقہ این اے 179میاں محمد عامر شہباز نے کہا ہے کہ تبدیلی کے نام پر عوام کو بیوقوف بنانے والوں نے ملک کو بد حالی کی طرف دھکیل دیا ہے تبدیلی کا نعرہ دیکر سہانے خواب دیکھا کر تقدیر سنوارنے کی بجائے ملکی معیشت کو تباہی کی طرف گامزن کر دیا ہے۔ نا تجربہ کار حکومت کشکول اٹھائے آئی ایم ایف کی شرائط ماننے کیلئے تیار کھڑی ہے اسی لئے منی بجٹ لا یا جا رہا ہے جس کو پیپلزپارٹی کی قیادت اور عوام یکسر مسترد کرتے ہیں‘ منی بجٹ کی صورت میں عوام پر بوجھ بر داشت نہیں کیا جائیگا۔ ملکی وسائل میں رہتے ہوئے عوام کی بہتری کیلئے حکومت کو کام کرنا ہوگا ورنہ آنیوالے دور میں عوام ان کو کسی صورت معاف نہیں کرینگے۔اس لئے ملک کی اپوزیشن جماعتیں ایک پیج پر جمع ہوکر حکومت قبلہ درست کرنے میں اہم کردار ادا کررہی ہیں انہوں نے کہا کہ ضلع رحیم یار خان میں تبدیلی کی ایک بھی اینٹ نہیں لگ سکی جو کہ عوامی مینڈیٹ کی توہین ہے۔ اس موقع پر پیپلزپارٹی کے تحصیل صدر سید حسنین شاہ اور انجمن تاجران ترنڈہ سوائے خان کے وفد نے علاقائی مسائل سے آگاہ کیا جس کو میاں عامر شہباز نے حل کروانے کی یقین دہانی کرائی اور کہا کہ میرے دروازے عوام کیلئے ہمیشہ کھلے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Translate »
Close
Close