fbpx

پولیس تاجران کو مکمل تحفظ فراہم کر رہی تاجر باہمی لین دین کے مسائل اپنے فورم پر حل کر لیں

رحیم یارخان : ڈی پی او منتظر مہدی نے کہا ہے کہ پولیس تاجران کو مکمل تحفظ فراہم کر رہی تاجر باہمی لین دین کے مسائل اپنے فورم پر حل کر لیں تو پولیس کو پیشہ ورانہ امور نمٹانے کے لیے بہت سا وقت مل سکتا ہے۔

ان خیالات کا اظہار انہوں نے ڈی ایس پی سٹی جاوید اختر جتوئی کے ہمراہ انجمن تاجران کے نمائندہ وفد جس میں ضلعی صدر مرکزی انجمن تاجران چوہدری عبدالرؤف مختار، ضلعی جنرل سیکرٹری میاں عبدالاسلام، شیخ محمد محسن، جاوید ارشاد، حافظ انوارالحق، چیئرمین انجمن تاجران ریلوے چوک، بانو بازار اور پھول مارکیٹ چوہدری محمد بوٹا طاہر و دیگر شامل۔

چوہدری عبدالرؤف مختار نے میٹنگ کے آغاز پر تاجران کے نمائندوں کو درپیش مسائل پر گفتگو کرتے ہوئے کہا کہ تاجر کا آپس میں لین دین ایک معمول کا مسئلہ اور بعض اوقار حالات کے پیش نظر تاخیر کی صورت میں تاجران میں باہمی اخلاف یا پھر غلط فہمی پیدا ہو جاتی ہے اور ایک فریق پولیس کارروائی کے لیے تھانہ پہنچ جاتا ہے جس سے معاملات الجھ جاتے ہیں اور تاجران کو مشکلات کا سامنا کرنا پڑتا ہے اگر پولیس تاجران کے معاملات کو ان کے فورم پر حل کرنے کا موقع دے تو ہم احسن طریقہ سے مسائل حل کر سکتے ہیں۔

جس پر ڈی پی او منتظر مہدی نے کہا کہ پولیس کے پاس لین دین کے  معاملات بہت زیادہ آتے ہیں جس سے پولیس کی دیگر پیشہ ورانہ امور میں حرج ہوتی ہے اس لیے ہمیں کوئی اعتراض نہیں ہے تاجران ہمارے لیے قابل احترام ہیں انہیں ہر طرح کا قانونی تحفظ فراہم کیا جا رہا ہے اگر باہمی لین دین آپ آپس میں بیٹھ کر حل کرلیں تو اس پولیس کا کافی وقت بچے گا جو کہ عوام کی جان ومال کے تحفظ اور پیشہ ورانہ امور کی ادائیگی پر صرف ہو سکے گا۔

جس پر تاجران  اور پولیس نے اس بات پر اتفاق کیا کہ آئندہ تاجران کی طرف سے لین دین کا جو بھی مسئلہ پولیس کے پاس آئے گا تاجر رہنماؤں کو حل کرنے کا موقع دیں گے

اگر حل نہ ہو تو متاثرہ فریق کے پاس قانونی کا رروائی کا حق محفوظ ہے جو وہ متعلقہ فورم پر عمل میں لائے سکے گا، جس پر انجمن تاجران کے وفد نے ڈی پی او منتظر مہدی اور ڈی ایس پی جاوید اختر جتوئی کو شکریہ ادا کیا اور کہا کہ انجمن تاجران کا بھر پور تعاون پولیس کو حاصل رہے گا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Translate »