منشیات کے عادی افراد کی بحالی کے سلسلے میں ریاست اپنی ذمہ داری نبھائے،فرحان عامر
رحیم یار خان:منشیات کے عالمی دن کے حوالے پر ڈپٹی کمشنر ڈاکٹر خرم شہزاد سے سماجی کارکن فرحان عامر ،اکمل شاہد کنگ، مزمل اقبال، طاہر چودھری کی ملاقات ،منشیات کے عادی افراد کی بحالی و علاج و معالجے کے حوالے سے خصوصی منصوبہ بندی اور سرکاری ہسپتال میں دستیاب سہولیات کے حوالے اور ان میں بہتری کے حوالے سے سول سوسائٹی، مخیر حضرات اور چیمبر آف کامرس سے مل کر مشترکہ حکمت عملی تیار کرنے کے عزم کا اعادہ کیا گیا۔
ڈپٹی کمشنر نے سول سوسائٹی کے ممبران سے گفتگو کرتے ہوئے کہا کہ منشیات کے عادی افراد کی بحالی کے سلسلے میں ریاست اپنی ذمہ داری نبھائے گی اور شیخ زید ہسپتال میں منشیات کے عادی افراد کے یونٹ کو متحرک کیا جائے گا تاکہ زیادہ سے زیادہ لوگوں کے لیے سہولیات میں اضافہ کیا جا سکے
فرحان عامر اور اکمل شاہد کنگ کا کہنا تھا کہ منشیات کے عادی افراد ہماری ہمدردی اور توجہ کے مستحق ہیں ایک منشیات کا عادی فرد پورے گھر کے تکلیف کا موجب بنتا ہے اس سلسلے میں ریاست اور معاشرے کی زمہ داری بنتی ہے کہ ان کی بحالی کے انتظامات کریں۔
