رحیم یارخان : حکومت پنجاب نے ڈویلپمنٹ پراجیکٹس کے لئے فنڈز جاری کر دیئے

رحیم یار خان:ڈویژنل کمشنر بہاولپور کیپٹن(ر)ظفر اقبال نے کہا ہے کہ ڈویژن بہاولپور کے تمام اضلاع میں جامع حکمت عملی کے تحت عوامی فلاح و بہبود اور ریلیف کی حکومتی پالیسیوں پرعملدرآمد کیا جا رہا ہے اور ترقیاتی منصوبوں کی مانیٹرنگ کے علاوہ محکمانہ کارکردگی کی بھی کڑی نگرانی کا طریقہ کار وضع کیا گیا ہے۔

ان خیالات کا اظہار انہوں نے اپنے دورہ رحیم یار خان کے دوسرے روز تمام محکموں کے ضلعی افسران کے اجلاس سے خطاب کرتے ہوئے کیا۔اجلاس میں ڈپٹی کمشنر علی شہزاد، ایڈیشنل ڈپٹی کمشنر(ریونیو)ڈاکٹر جہانزیب حسین لابر سمیت دیگر موجود تھے۔ڈویژنل کمشنر نے ضلعی محکموں کے افسران سے کہا کہ عوامی مسائل کا حل اولین ترجیح ہونی چاہیے۔

اس سلسلے میں پہلو تہی یا تاخیر کا مظاہرہ نہ کیا جائے۔انہوں نے کہا کہ سرکاری افسران سائلین کی مشکلات کا احساس کریں اور ان کی بات خندہ پیشانی سے سن کو داد رسی کی جائے تاکہ سرکاری محکموں پر ان کا اعتماد مضبوط ہو۔انہوں نے ہدایت کی کہ ضلع میں صحت و تعلیم کے شعبے خصوصی توجہ کے طلب ہیں اور ان کی بہتر ی کے لئے مزید اقدامات ناگزیر ہیں۔انہوں نے ڈپٹی کمشنر کو ہدایت کی کہ وہ شعبہ صحت کی بہتری کے لئے اسسٹنٹ کمشنرز کو فعال کریں۔

اسسٹنٹ کمشنرز اپنی تحصیلوں میں سرکاری ہسپتالوں کے سرپرائز وزٹ کو اپنے معمولات میں شامل کریں اور ہفتہ میں تین وزٹ ہسپتالوں کے کرتے ہوئے صحت سہولیات کی بہتری میں اپنا کردار ادا کریں۔انہوں نے کہا کہ آئندہ ہفتہ تک صحت و تعلیم کے محکموں کا ایک جامع پلان مرتب کرتے ہوئے اس پر عملدرآمد یقینی بنایا جائے۔

انہوں نے کہا کہ ترقیاتی منصوبوں میں سست روی ہر گز برداشت نہیں کی جائے گی تمام محکمے اپنے آپسی روابط کو بہتر بناتے ہوئے ترقیاتی منصوبوں کو مکمل کریں اور فلاح عامہ کے منصو بوں میں شفافیت، معیار اور مقدار پر کوئی سمجھوتا نہیں کیا جائے گا جبکہ مختلف سیکٹرز میں جاری ترقیاتی منصوبوں کی پیشرفت بارے متعلقہ حلقہ کی ارکان پارلیمنٹ کو مکمل آگاہ رکھا جائے اور ترقیاتی امور کی منصوبہ بندی میں بھی ارکان پارلیمنٹ کی مشاورت کو یقینی بنایا جائے۔
کمشنر بہاولپور ڈویژن کیپٹن(ر)ظفر اقبال نے کہا ہے کہ حکومت پنجاب نے ڈویلپمنٹ پراجیکٹس کے لئے فنڈز جاری کر دیئے ہیں، ترقیاتی پراجیکٹس پر کام کی رفتار تیز کی جائے وہ ہر ہفتے مفاد عامہ کے منصوبوں پر کام کی پراگریس کا جائزہ لیں گے۔

یہ بات انہوں نے اپنے دورہ رحیم یار خان کے دوران سٹی اوور ہیڈ برج، خانپور اڈا تا چوک بہادر پور شاہی روڈ، نیو جنرل بس اسٹینڈ رحیم یار خان، میانوالی قریشیاں ہسپتال، رکن پور سپورٹس کمپلیکس، ریسکیو1122اسٹیشن ظاہر پیر، شیخ زید ٹراما سنٹر ہسپتال ظاہر پیر سمیت دیگر عوامی فلاح کے منصوبوں کی پیشرفت کا جائزہ لیتے ہوئے کیا۔

انہوں نے کہا کہ میانوالی قریشیاں میں182ملین کی لاگت سے ہسپتال، 60ملین کی لاگت سے رکن پور سپورٹس کمپلیکس،60ملین کی لاگت سے ریسکیو1122اسٹیشن ظاہر پیر سمیت دیگر منصوبوں کے لئے حکومت کی جانب سے فنڈز فراہم کر دیئے گئے ہیں ۔

انہوں نے متعلقہ محکموں کے افسران کو ہدایات دیتے ہوئے کہا کہ شہری و دیہی ترقی اور عوامی فلاح و بہبود کے جاری اور نئے شروع ہونے والے پراجیکٹس کے آغاز کے لئے محکمانہ کارروائی بلا تاخیر مکمل کی جائے اور عوامی اہمیت و نمایاں ترقی کے ان منصوبوں کے ڈیزائن اور تکنیکی امور مستقبل کے تقاضوں کے مطابق ہونے چاہیے۔

انہوں نے ہدایت کی کہ نیو جنر ل بس اسٹینڈ، خانپور اڈا تا چوک بہادر پور شاہی روڈ کی تعمیر و توسیع، میانوالی قریشاں ہسپتال، ظاہر پیرٹراما سنٹر ہسپتال، ظاہر پیر ریسکیو1122اسٹیشن، رکن پور سپورٹس کمپلیکس سمیت دیگر ترقیاتی منصوبوں کی تیز ر فتار تکمیل کے لئے تمام تر انتظامات و فنی تقاضے پیشگی بنیادوں پر پورا کریں۔

انہوں نے ڈپٹی کمشنر علی شہزاد کی جانب سے ضلع میں جاری ترقیاتی کاموں کی بروقت تکمیل میں ذاتی دلچسپی لینے کو سراہتے ہوئے کہا کہ بلا شبہ ڈپٹی کمشنر اور ان کی ٹیم ضلع کی تعمیر و ترقی کے لئے بہترین حکمت عملی کے تحت آگے بڑھ رہی ہے اور اس روایت کو برقرا ررکھتے ہوئے فلاح عامہ کے منصو بوں کو جلد مکمل کیا جائے۔

کمشنر بہاولپور ڈویژن کیپٹن(ر)ظفر اقبال نے کہا ہے کہ کورونا مصدقہ حقیقت ہے جس سے پہلو تہی نہیں کی جا سکتی ، اس عالمی وباءنے جہا ں دنیا کی معیشت کو نقصان پہنچایاتو دوسری طرف ترقیاتی عمل اور محکمانہ سر وسز ڈلیوری کو بھی شدید متاثر کیا ہے تاہم اس موذی مرض سے خود کو محفوظ رکھتے ہوئے اپنی معاشی و معاشرتی سرگرمیوں کا جاری رکھنے کے لئے شہریوں کو حکومتی حفاظتی ایس او پیز پر لازمی عمل پیرا ہونا ہو گا۔

یہ بات انہوں نے آج رحیم یار خان دورہ کے دوران سرکٹ ہاﺅس میں ذرائع ابلاغ کے نمائندوں سے گفتگو کرتے ہوئے کہی۔ڈویژنل کمشنر نے کہا کہ کورونا کے باعث ملک بھر میں ترقیاتی منصوبوں کی پیشرفت اور محکمانہ سروسز ڈلیوری متاثر ہوئی تاہم حکومت کی بہتر پالیسیوں کے باعث مشکل حالات میں بھی عوام کو تنہا نہیں چھوڑا گیا اور ترقی کے عمل کا جاری رکھا گیا۔

انہوں نے کہا کہ ان حالات میں ذرائع ابلاغ کے نمائندوں پر بھاری ذمہ داری عائد ہوتی ہے کہ وہ عوام میں شعور بیدار کریں کہ وہ کورونا سے محفوظ رہنے کےلئے حکومتی حفاظتی اقدامات کی پیروی کریں ۔انہوں نے کہا کہ کورونا کے باعث ترقیاتی منصوبے سست روی کا شکار ہوئے تاہم حکومت پنجاب بھر پور انداز سے ان منصو بوں کو بروقت مکمل کرنے کے لئے پرعزم ہے اور انشاءاللہ جلد عوام خوشگوار تبدیلی محسوس کریں گے۔

انہوں نے کہا کہ اپنے دورہ رحیم یار خان کے دوران تمام شعبوں کی کارکردگی اور مختلف سیکٹرز میں جاری ترقیاتی منصو بوں کی پیشرفت کا جائزہ لیا ہے اور متعلقہ حکام کو واضح ہدایات جاری کی ہیں کہ عوامی ترقی کے عمل کو تیزی سے مکمل کیا جائے اور تمام منصوبوں میں شفافیت ، معیار اور مقدار پہلی ترجیح ہونی چاہیے۔

انہوں نے کہا کہ ضلع میں صحت و تعلیم کی سہولیات میں اضافہ اور کارکردگی کو بہتر بنانے کا ٹاسک سونپا ہے جبکہ میونسپل سروسز کی بہتری اور شہر کی آبادی کو مد نظر رکھتے ہوئے ویسٹ منیجمنٹ کمپنی یہاں کی ضرورت ہے جس کے لئے ترجیحی بنیادوں پر اقدامات کئے جائیں گے۔

انہوں نے کہا کہ قلمکار ہمارے معاشرے کا اہم حصہ ہیں آپ معاشرتی مسائل اجاگر کرنے میں کردار ادا کرتے ہیں انتظامیہ قلمکاروں کی تنقید کو برائے اصلاح لیتے ہوئے اداروں کی کارکردگی بہتر بناتی ہے تاہم قملکار حکومت او رانتظامیہ کے بہتر اقدامات کی بھی مناسب تشہیر کریں تاکہ عوام حکومتی اقدامات سے بروقت آگاہ رہ سکیں۔

ذرائع ابلاغ کے وفد کی سربراہی صدر ڈسٹرکٹ پریس کلب ڈاکٹر ممتاز مونس کر رہے تھے جبکہ اس موقع پر رانا امتیاز احمد، میاں احسان الحق، نور محمد سومرو، عمران مقصور، جاوید اقبال ، رانا وسیم ، ملک ظہیر سمیت دیگر سینئر صحافی موجو دتھے۔

ڈپٹی کمشنر علی شہزاد نے کہا ہے کہ ضلعی سطح پراس خطہ کی تاریخی تہذیب و تمدن اور ثقافت کواپنی آئندہ نسلوں تک منتقل کرنے کے لئے تمام سٹیک ہولڈرز کی رائے سے ایک جامع دستاویز تیار کی جائے گی جس کے دور رس نتائج حاصل ہوں گے اور ہماری نوجوان نسل کو اپنے ضلع کی تاریخی اہمیت سے آگہی حاصل ہو گی۔

ان خیالات کا اظہارا نہوں نے ضلع کی تہذیب و تمدن اور ثقافت سے متعلق ایک جامع دستاویز تیارکرنے کے لئے ضلعی افسران اور سول سوسائٹی کے مشاورتی اجلاس کی صدارت کرتے ہوئے کیا۔ڈپٹی کمشنر نے ثقافتی مسودہ کی تیاری کے لئے ضلعی افسران اور سول سوسائٹی کے تاریخ میں عبور رکھنے والے افراد پر مشتمل کمیٹی تشکیل دینے کی منظوری دیتے ہوئے کہا کہ کمیٹی ممبران ضلع رحیم یا رخان کی تار یخ، اہم مقامات، شخصیات سمیت دیگر متعلقہ نوعیت کی معلومات کو یکجا کرنے میں اپنا کردار ادا کرے گی۔

اجلاس کے شرکاءنے حکومت پنجاب اور ضلعی انتظامیہ کے ثقافت پسندانہ اقدام کی بھرپور حمایت کرتے ہوئے ا پنے مکمل تعاو ن کا یقین دلایا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Translate »