fbpx

ریسکیورزجدیدتربیتی کورسزسے حادثات سے کامیابی سے نمٹ رہے ہیں, ڈاکٹر عبدالستار بابر

ماہ جنوری میں ریسکیورز کی کارکردگی بہترین رہی،جدیدتربیتی کورسزسے ریسکیورزدورِحاضرمیں پیش آنے والے پچیدہ ترین حادثات سے کامیابی سے نمٹ رہے ہیں۔ڈسٹرکٹ ایمرجنسی آفیسر ڈاکٹر عبدالستار بابرضلعی ہیڈ کوارٹرریسکیو1122میں ڈسٹرکٹ ایمرجنسی آفیسر ڈاکٹر عبدالستاربابر کی سربراہی میں اجلاس منعقد ہوا۔اجلاس میں ایمرجنسی آفیسرڈاکٹرعادل رحمان،کنٹرول روم انچارج شہباز نادر،تمام تحصیلوں کے ریسکیواینڈسیفٹی افسران،اسٹیشن کوارڈینیٹر شہزادہ محمد اقبال ،اکائونٹنٹ مدثر عباس،ٹرانسپورٹ مینٹیننس انسپکٹرخالدمحمود،میڈیا کوارڈینیٹر عدنان شبیر اوردیگر افسران شریک ہوئے۔

ڈاکٹر عبدالستار بابر نے کنٹرول روم سٹاف و آپریشنل سٹاف سمیت تمام ریسکیورزکی ماہانہ کارکردگی کا جائزہ لیا،جس میں کنٹرول روم سٹاف کی طرف سے ریسکیو افسران و دیگراداروں کے ساتھ رابطے کے طریقِ کار کو سراہا۔آپریشنل سٹاف کی کارکردگی کا جائزہ لیتے ہوئے تمام ایمرجنسی گاڑیوں کی بروقت مرمت،شفٹ کے آغاز و اختتام پرآن لائن حاضری،میجر حادثات کی صورت میں  انسیڈنٹ کمانڈرکے طورپر ذمہ داریاں،کنٹرول روم سے رابطہ اور معلومات و تصاویر کے فوری تبادلہ کو جانچا گیا۔ڈاکٹر عبدالستاربابرنے کمیونٹی سیفٹی ونگ کے کمیونٹی ٹریننگ پروگرام کے تحت ہزاروں لوگوں کو تربیتی کورسز کروا کر بڑے حادثات اور قدرتی آفات سے نبردآزما ہونے کے قابل بنانے پرسراہا اور اس پروگرام کومزید آگے بڑھانے کے لیے نئے مجوزہ ٹارگٹ کو بروقت پورا کرنے کی ہدایات دیں۔مزیدکہا کہ جدید فائرسیفٹی کورسزرواں ماہ فائرریسکیورزو فائرڈرٹ ریسکیورزکو لیڈفائر ریسکیورزکی نگرانی میںمکمل کرواکر اس کا دائرہ تحصیل کی سطح تک بڑھایا جائے۔رواں ماہ الیکٹریکل و مکینیکل ناکارہ اور ختم شدہ معیاد کی بیٹریوں اور سٹور کے سامان مجوزہ قانون کے تحت نیلام کردیا جائے۔ریسکیواسٹیشنزو ایمرجنسی گاڑیوںکوصاف ستھرا اور بہترین معیار پر قائم رکھا جائے،ماہانہ ریسکیودربارمیں ریسکیورزکی سفارشات کو سُنا جائے اور انکی فلاح وبہبود کے لیے عملی کام کیا جائے،تمام ریسکیورزکے لیے نئی یونیفارم و ریفلیکٹرجیکٹس کی فوری فراہمی کو یقینی بنایا جائے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Translate »
Close
Close