نیا پاکستان صحت کارڈ کن اضلاع میں شروع ہو گا

Story Highlights
  •  یونیورسل ہیلتھ انشورنس پروگرام پر عملدرآمد کی منظوری، نیا پاکستان صحت کارڈ کااجراء جنوری کے آغاز میں لاہور ڈویژن سے کیا جائے گا:عثمان بزدار
  • 31مارچ تک کارڈ راولپنڈی،فیصل آباد،ملتان،بہاولپور،گوجرانوالہ اورسرگودھا ڈویژن میں لانچ کر دیا جائیگا، ہرخاندان 10لاکھ تک سالانہ مفت علاج کرا سکے گا
  •  سرمایہ کاری کے فروغ کیلئے انقلابی اقدام، این او سیز کے اجراء کو آسان بنانے کیلئے زیرو ٹائم ٹو سٹارٹ اپ پالیسی 2021 کے مسودے کی منظوری
  •  کاروبار اور سرمایہ کاری بڑھانے کیلئے این اوسی رجیم کو سہل بنایا جائے گا،سکندر یہ کالونی، سوڈیوال میں 34 کنال اراضی پر گرلز کالج کے قیام کی منظوری
  • وزیراعلیٰ پنجاب سردار عثمان بزدار کی زیر صدارت آج وزیراعلیٰ آفس میں پنجاب کابینہ کا 50واں اجلاس منعقد ہوا، اجلاس میں پنجاب میں یونیورسل ہیلتھ انشورنس پروگرام پر عملدرآمد کی منظوری دی گئی-

لاہور :نیا پاکستان صحت کارڈ کا اجراء جنوری سے کرنے کافیصلہ کیا گیا-وزیراعلیٰ عثمان بزدار نے اجلاس سے خطاب کرتے ہوئے کہا کہ نیا پاکستان صحت کارڈ کااجراء جنوری کے آغاز میں لاہور ڈویژن سے کیا جائے گا-

31مارچ تک نیا پاکستان صحت کارڈ راولپنڈی،فیصل آباد،ملتان،بہاولپور،گوجرانوالہ اورسرگودھا ڈویژن میں بھی لانچ کر دیا جائے گا-

کابینہ نے نیا پاکستان صحت کارڈ پر کمپیوٹرائزڈ شناختی کارڈ اور خاندان کے سربراہ کا نام کنندہ کرنے کی منظوری دے دی-کابینہ نے پنجاب ہیلتھ اینشیٹو مینجمنٹ کمپنی او رسٹیٹ لائف انشورنس کے درمیان معاہدے کی بھی منظوری دے دی -کابینہ نے نیا پاکستان صحت کارڈ کے فارمیٹ اور ڈیزائن کی بھی منظوری دے دی –

یونیورسل ہیلتھ انشورنس پروگرام پر 3برس میں تقریباً 400ارب روپے خرچ کئے جائیں گے- وزیراعلیٰ نے کہاکہ یونیورسل ہیلتھ انشورنس پروگرام تحریک انصاف کی حکومت کا تاریخ ساز فلاحی اقدام ہے-نیا پاکستان صحت کارڈکے ذریعے ہرخاندان 10لاکھ روپے تک سالانہ مفت علاج کی سہولت میسر ہوگی-پنجاب کابینہ نے وزیراعلیٰ عثمان بزدار کی قیادت میں یونیورسل ہیلتھ انشورنس پروگرام پر عملدرآمد کرنے پر صوبائی وزیر صحت ڈاکٹر یاسمین راشد اور ان کی ٹیم کو خراج تحسین پیش کیا-یونیورسل ہیلتھ انشورنس پروگرام کے لئے ہسپتالوں کے علیحدہ پرسنل لیجر اکاؤنٹ (PLA) کھولنے اور رسیدشیئر ڈسٹری بیوشن فارمولے کی منظوری دی گئی- پنجاب کابینہ نے صوبے میں سرمایہ کاری کے فروغ اورکاروبار میں آسانیاں پیدا کرنے کے لئے ایک اورانقلابی اقدام این او سیز کے اجراء کو آسان بنانے کے لئے زیرو ٹائم ٹو سٹارٹ اپ پالیسی 2021 کے مسودے کی منظوری دی- اس پالیسی کے تحت صوبے میں کاروبار اور سرمایہ کاری بڑھانے کے لئے این اوسی رجیم کو سہل بنایا جائے گا-سکندر یہ کالونی، سوڈیوال لاہور میں 34 کنال اراضی پر سٹیٹ آف دی آرٹ گرلز کالج کے قیام کی منظوری دی گئی -ویسٹ پاکستان بورڈ آف ریونیو(کنڈکٹ آف اپیلز اینڈ ریویزنز) رولز 1959میں ترامیم کی منظوری دی گئی-ویسٹ پاکستان بورڈ آف ریونیو(کنڈکٹ آف اپیلز اینڈ ریویزنز) رولز 1959کا نام پنجاب بورڈ آف ریونیو (کنڈکٹ آف اپیلز اینڈ ریویزنز) میں تبدیل کردیا جائے گا-ترامیم کی منظوری سے بورڈ آف ریونیو میں کیسوں کافیصلہ 180دن میں کرنا لازم ہوگا-ویسٹ پاکستان بورڈ آف ریونیو(کنڈکٹ آف میٹنگز) رولز 1959میں ترامیم کی منظوری دی گئی-پنجاب سیڈ کارپوریشن میں کارپوریٹ گورننس اصلاحات متعارف کرانے کافیصلہ کیا گیا-پنجاب سیڈ کارپوریشن میں کارپوریٹ گورننس اصلاحات متعارف کرانے کیلئے پنجاب سیڈ کارپوریشن ایکٹ 1976 میں ترامیم کی منظوری دی گئی-ترامیم کے بعد کارپوریشن کے بورڈ ممبرز کی تعداد 9 سے بڑھا کر 16کر دی جائے گی-پنجاب موٹر وہیکلز ٹیکسیشن رولز 1959 میں ترامیم کی منظوری دی گئی،ان ترامیم سے پنجاب میں رجسٹرڈ گاڑیاں پنجاب کے اندر ہی ٹوکن ٹیکس ادا کرنے کی پابند ہوں گی-کابینہ اجلاس میں یونیورسل رجسٹریشن مارکس سکیم کے تحت لاہور ہائی کورٹ کی سرکاری گاڑیوں کی رجسٹریشن کیلئے ”ایل ایچ سی“سیریزالاٹ کرنے کی منظوری دی گئی- پنجاب موٹر وہیکلز رولز 1969 کے سیکنڈ شیڈول کے رول 42میں ترمیم کی منظوری دی گئی-ترمیم سے پنجاب میں الیکٹرک گاڑیوں کی رجسٹریشن پر خصوصی رعائت دی جائے گی-گاڑیو ں کے پر کشش نمبروں کی الاٹمنٹ کے لئے ای آکشن پالیسی کو مزید موثر بنانے کی منظوری دی گئی-پرکشش نمبروں کی الاٹمنٹ کے لئے فہرست میں مزید نمبروں کا اضافہ کیاجائے گا-گندم ریلیز پالیسی 2021-22 کی منظوری دی گئی-پرائس کنٹرول کرنے اور منافع خوری و ذخیرہ اندوزی پر قابو پانے کے لئے 1977کے ایکٹ کو اختیار کرنے اورپرائس کنٹرول اینڈ پریونشن آف پرافٹٹرینگ اینڈ ہورڈنگ ایکٹ 2021 کے مسودے کی منظوری دی گئی-

اجلاس میں سینئر ممبر بورڈ آف ریونیو بابر حیات تارڑ کے والد کے انتقال پر افسوس کااظہارکیا گیا اور مرحوم کی روح کے ایصال ثواب کے لئے فاتحہ خوانی کی گئی- صوبائی وزراء، معاونین خصوصی، مشیران، چیف سیکرٹری،متعلقہ محکموں کے سیکرٹریز اور اعلیٰ حکام نے اجلاس میں شرکت کی-
٭٭٭

اک نظر

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button