رحیم یارخان میں پسند کی شادی کرنا نرگس کے لئے جرم بن گیا
رحیم یارخان میں پسند کی شادی کرنے پر بھائی اور رشتہ دار جان کے دشمن بن گئے‘قتل سمیت سنگین نتائج کی دھمکیاں دی جارہی ہیں‘
میرے خاوند اور اسکے بھائی کیخلاف اغواء کاجھوٹا مقدمہ درج کروا دیا ‘مجھے کسی نے اغواء نہ کیا ہے اور نہ ہی میرے ساتھ زبردستی کی گئی ہے بلکہ میں نے اپنی رضا مندی سے مرید ملک کیساتھ نکاح و شادی کر لیا ہے۔
ان خیالات کا اظہارچک نمبر 169پی کی رہائشی نرگس بی بی نے تحصیل کچہری صادق آباد میں اپنے خاوندمرید ملک کے ہمراہ اخبا رنویسوں سے گفتگو کرتے ہوے کیا۔
انھوںنے مزید بتایا کہ اس نے اپنی آزاد مرضی سے مرید ملک کیساتھ ہی شادی و نکاح کر لیا ہے میں اپنے والدین کے گھر سے کوئی سامان نہ لے کر آئی ہوں،
اب میرے بھائی، رشتہ دار اورعلاقہ کے با اثر افراد ثناء اﷲ‘ وسیم‘ رمضان بھٹی‘ نیاز احمد‘عرفان‘ نور محمدبھٹی‘ منوروڑائچ ‘ سلطان وڑائچ‘ افضل چیمہ‘ اسلم چیمہ وغیرہ ہماری جان کے دشمن بن گئے ہیں
جو آئے روز ہمیں قتل سمیت سنگین نتائج کی دھمکیاں دے رہے ہیں ، مذکورہ افراد نے میرے شوہر مرید ملک اور اسکے بھائی کیخلاف تھانہ سٹی صادق آباد میں اغواء کا جھوٹا مقدمہ بھی درج کروا دیا ہے ،انھوںنے وزیراعلی پنجاب عثمان بزدار سمیت پولیس کے اعلی حکام سے تحفظ فراہم کرنے کی اپیل کی ہے ۔
